آه يا قلب ..
آه يا قلب شبلاك اليوم يالمحتار
ليش أنت متكدر متلبك وخايف؟!
للأسف ما حسبتك تذكر اللي صار
خيَّبت والله فيك ظني أنا شايف!!
ما قلت لك خلك قوي ودوم صبَّار؟
وأنسى الغدر ومن تصنَّع طيب زايف
هيَّأت لك درب الفرح والهم تختار!!
مدري الحزن يتبعك وألا أنت فيه رايف
صارت حياتي رمادية والدمع مدرار
يا كيف ضيَّعت وردي حياتي حسايف!
.......
ألا يا عين لا تبكي على اللي في الهوى ناسيك
كفايه دمعتك والله ترى ما ينفع التذكير
ألا يا قلب لا تشكي على اللي حاول يجافيك
جفا وصلك جرح صدرك وما سوى إلك تقدير
ترى مهما تقربت و أخذ يبعد وعيا يجيك
نقش جرحك على صدره وهمه معرفه وتنكير
أنا نسيتك ودورلك على من يقدر يراعيك
ينسيلك كذا جرح كسرته أيَّما تكسير
وأنا أدري بأن الناس تذكَّرني على طاريك
ترى اسمي على لسانك أحس إنه به التقصير
وخليها حياتك دوم مفتوحه بلا تشبيك
وخلي زهرها يفتح على صبحك وكل عصير
حلفت إني أنا حره ومثلي عزها يجازيك
وبحر الشعر من مثله يعاتبكم على التقتير
ليست هناك تعليقات:
إرسال تعليق